Entrevista José Costas Simón

06/10/2015

José Costas Simón, foi o terceiro presidente da Fundación, e antigo alumno da escola nos anos 20.

1- Cantos libros de texto levaba ó cole?

  Que eu lembre só había dous libros , un de grao medio, e outro de grao superior .E en ambos estudábase matemáticas , xeometría , gramática , xeografía e   

  outros.

 2-Faciades exames? Si , ó final do curso.

 3-Como eran os mestres nesa época? Para min eran bos , diría que mellores que os de agora.

 4-Os castigos eran moi severos? Que sancións había? Non, salvo que fosen cousas moi graves , o normal era que te castigaran a ir os xoves pola tarde que non

    había colexio e o mestre que te castigou tamén estaba alí.

 5-Como era o edificio cando ti ías ó cole? Moi parecido ó de agora.

 6-Había só mestres homes ou tamén mulleres? Si, había mestres e mestras.

 7-Na súa época había banda de música?

    Si, dábanse clases de música no colexio.

 8-Que materias dabades? Era todo en español ou tamén en galego?

      Máis ou menos as mesmas  de agora con outros nomes e un só libro e todo en castelán.

9-En que lingua falaban os alumnos?

    No colexio en castelán e fora del segundo o costume que tiveran na casa.

 10-Había excursións? Si, algunha había.

 11-Había estranxeiros? Non.

 12-Usábase uniforme? Como iades vestidos ó cole? Non había uniforme, cada un ía vestido como podía, incluso medio descalzos, agora sodes uns privilexiados en

      todo, espero e desexo que nunca teñades que pasar por aquilo.

 13-Tratábase de ti ós mestres?

       Sempre de vostede e con moito respecto.

 14-Podían comer chicles na clase?

      Daquela non tiñamos cartos para mercalos , bastante sorte tiñamos se ao chegar á casa había algo de xantar.

 15-Como era vivir coa guerra? Estabas aquí na escola durante a guerra?

       Si, vivíase moi mal pasábase fame e xa estaba no exército .

 16-Cal era o horario lectivo? De nove a unha e de tres as seis da tarde.

 17-Había comedor escolar?  Si, para os máis pobres.

 18-Había autobús escolar? Non recordo, pero creo que si.

 19-Había festival de fin de curso? Si, pero non coma os de agora , daquela entregábanse premios aos mellores estudantes e a min concedéronme un, e coma era 

      pobre regaláronme a tea para facerme un traxe.

 20-Recordas algunha anécdota especial dalgún compañeiro? Non.

 21-Tíñades patio para xogar e ximnasio?

       Os mesmos de agora pero sen estar cubertos.

 22-A que xogabades no recreo? Ós nenos gustábanos xogar ó fútbol , iso si, con pelotas de trapo , non había cartos para outras.

 23-Eras bo estudante?Fixeches algunha falcatruada gorda? Repetiches algún curso?

      Fun moi bo estudante , aínda que algunhas veces non iamos á escola e quedabamos a xogar ó fútbol  nun campo de Cambeses, deixabamos sempre un vixía

      para que nos avisase se viña un profesor a buscarnos e poder escapar. Nunca repetín curso.

 24-Conservaches algún amigo de clase?

       Conservei moitos despois do colexio, aínda que moitos xa morreron.

 25-Coñeciches a túa muller na escola?

       Non, non era do barrio.

 26-Cal era a túa materia preferida?

       A que máis me gustaba era gramática. E despois a aritmética.

 27-Cantas aulas había? Xa non me lembro, pero creo que as mesmas que agora , sen contar co andar de arriba.

 28-Tiñas algún alcume? Si, meu alcume era Cristos.

29-Estudabas algún idioma? Non.

 30-Era unha escola mixta ou só había nenos? Si, había nenas e nenos.

 31-De pequeno, que querías se de maior?

      Quería ser avogado.

 32-Tiñas algún mestre ó que tiveses especial agarimo?

      A un moi especial D. Severino Cobas, pois cando miña nai me dixo que deixara o colexio para traballar, xa que faltaban cartos na casa para xantar D. Severino   

     Cobas falou con ela para convencela de que era unha mágoa, pois era moi bo estudante e  convenceuna .Grazas a el puiden seguir estudando contabilidade e

     cálculo, que me serviu despois para ter un bo emprego e defenderme na vida . Por iso teño sempre na miña memoria a D. Severino.