NOTICIAS ANDURIÑA

RECOMÉNDOCHE UN LIBRO

21/03/2019

Estimados pais:

Informámosvos de que ó longo deste mes de marzo realizaremos unha actividade chamada “Recoméndoche un libro”.

Consistirá en gravar un vídeo no que nos recomendedes un libro. Podedes participar toda a familia e botarlle toda a imaxinación e “salero” que queirades.

Haberá que atender as seguintes normas:

• A lingua empregada debe ser o galego.

• O vídeo non poderá superar os tres minutos.

• A crítica debe ser construtiva.

• Empregarase un rexistro formal.

• Non se desvelarán aspectos relevantes do libro.

• A data tope para a entrega dos vídeos será o 12 de abril.

As gravacións debedes mandalas ó enderezo electrónico edlg@escuelasnieto.com

No caso de que o arquivo adxunto sexa demasiado grande podedes utilizar algunha páxina de envío de arquivos como WeTransfer ou outra que coñezades.

Os tres mellores vídeos recibirán un premio que se lles entregará o Día das Letras Galegas.

CHARLA-COLOQUIO

15/03/2019

O luns día 11 de Marzo celebrouse no noso colexio unha charla-coloquio de portas abertas co título "Inspirando o Futuro en Igualdade".  Nela nove mulleres traballadoras puxéronse nas mans das preguntas e inquietudes do alumnado de educación secundaria da nosa escola. 

SE QUEREDES SABER ALGO MÁIS DA CHARLA E ALGUNHAS FOTOS PREMER EN "LER MÁIS".

SOMOS SUPERHEROES

14/03/2019

Bo día!

   Somos Galegomán e Galewoman. Para quen non nos coñeza aínda, contarémosvos que somos os "superheroes defensores do galego" e os "compis" que nos acompañan son algúns dos nos@s ferventes seguidores.

   Antes andabamos camuflados no medio da páxina web do cole pero agora temos un espazo de noso que imos encher con todo aquel material que vós nos queirades enviar e que potencie o emprego da nosa lingua e o coñecemento da nosa cultura.

   Para lograr este propósito propoñémosvos unha actividade que lle chamaremos "Recoméndoche un libro" e da que mañá mesmo vos desvelaremos todos os segredos.

PASE A FINAL DO CONCURSO DE MATEMÁTICAS LIGAMATS

14/03/2019

! Noraboa !, os alumn@s de terceiro da ESO, Eva, Sabela, Martín e Andrea clasificáronse para a fase final do concurso de matemáticas Ligamats.

Dende o departamento de matemáticas queremos felicitar a tódolos participantes e seguir animándoos a presentarse a este tipo de actividades que contribuen a enriquecer a súa formación académica.

QUEN DIXO MEDO AS MATES

11/03/2019

O alumnado de 2º da ESO participou nunha nova actividade de grupos interactivos de matemáticas. A experiencia foi moi positiva e enriquecedora para @s alumn@s. Ademáis os mestres, puideron contar cuns axudantes de excepción, os voluntarios.

!Moitas grazas por colaborar!

Se queredes ver fotos premer en "ler máis".

APERTURA DE MATRÍCULA PARA O PRÓXIMO CURSO

04/03/2019

25 plazas dispoñibles para os/as nados/as en 2016.

O ENTROIDO EN ESCOLAS NIETO

01/03/2019

Este ano o tempo deixounos desfilar polas rúas do Calvario e a temática foi da película do Rei León, así que enchemos as rúas do Calvario de animais salvaxes convertindo esa rúa nunha sabana. No seguinte video podedes ver como transcurriu o Entroido no noso colexio e o desfile:

Se queredes ver fotos premer en "ler máis".

O ENTROIDO CHEGOU A ESCOLAS NIETO

26/02/2019

O primeiro recordarvos que este venres 1 de marzo non podedes faltar as ruas do Calvario entre as 12h e as 13h, xa que @s nos@s alumn@s desfilarán por elas. O ano pasado foi Venancio o que abriu o ENTROIDO no noso colexio, este ano será Fortunata a encargada de facelo mediante os seus simpáticos pedidos.